Azam njiani kwenda kigali

Kikosi kazi cha Azam FC kiko njiani kuelekea Rwanda wakitokea nchini Uganda kwa ajili ya kukamilisha ziara yao ya mechi za kirafiki katika nchi za Uganda na Rwanda.

Safari ya kwenda Rwanda imeanza baada ya kumaliza mechi 4 za kirafiki nchini Uganda, ambapo wamepoteza mchezo mmoja, wakatoa sare miwili na kushinda mmoja.

Azam FC ilifungua ziara yao kwa kufungwa goli 4-3 na Bunamwaya, kisha wakatoa suluhu na SC Villa kabla ya kuifunga KCC goli 4-0.

Azam FC walifunga ziara yao kwa kutoka sare ya goli 1-1 na victors hapo jana huku goli la Azam FC likitiwa kimiani na John Bocco ambaye alipoteza nafasi kadhaa za kuipatia magoli ya ziada Azam FC.

Azam FC wakiwa Rwanda katika jiji la Kigali watacheza na Rayon Sport ya Rwanda.