NIMEIPENDA MWENYEWE

NIMEIPENDA MWENYEWE

Latest Updates

Sunday, October 8, 2017

Kuelekea mchezo wa Mwadui vs Azam FC

Posted By: Abdallah Sulayman - 5:28 PM
IMEBAKI wiki moja kabla ya Klabu Bingwa ya Afrika Mashariki na Kati, Azam FC, haijaivaa Mwadui katika mchezo wa Ligi Kuu ya Vodacom Tanzania Bara (VPL) inayotarajia kufanyika Oktoba 14 mwaka huu.

Ili kujipanga vilivyo na mchezo huo, kikosi cha Azam FC kinatarajia kuondoka jijini Dar es Salaam keshokutwa Jumanne alfajiri kuelekea mkoani Shinyanga tayari kabisa kuikabili Mwadui kwenye Uwanja wa Mwadui Complex, Shinyanga.

Azam FC inauchukulia uzito mchezo huo na katika mikakati ya kuhakikisha inafanya vizuri, kikosi hicho kimepanga kuondoka na wachezaji wote iliowasajili msimu huu ambao wako fiti.

Baada ya kikosi hicho kucheza na Mwadui, kinatarajia kusalia Kanda ya Ziwa ili kufanya maandalizi ya mchezo mwingine wa ugenini dhidi ya Mbao, unaotarajia kufanyika mkoani Mwanza Oktoba 21 mwaka huu, ambao utahitimisha siku 12 za Azam FC katika mikoa hiyo miwili ya kanda hiyo.

Mabingwa hao wa Ngao ya Jamii na Kombe la Mapinduzi msimu uliopita wanaodhaminiwa na maji safi ya Uhai Drinking Water, Benki bora nchini ya NMB na Tradegents, wanaelekea kucheza mechi hizo wakiwa na rekodi bora kabisa ndani ya ligi hiyo ikiwa ni miongoni mwa timu tatu za juu kileleni.

Timu hiyo ipo juu baada ya kujikusanyia jumla ya pointi 11 sawa na Simba na Mtibwa Sugar zilizo juu yake kwa tofauti ya mabao ya kufunga, lakini Azam FC inabakia kuwa ndio timu pekee iliyofungwa bao moja pekee katika mechi tano za ligi zilizochezwa mpaka sasa.

Saturday, October 7, 2017

MATOKEO YA TIMU ZA VIJANA

Posted By: Abdallah Sulayman - 6:01 PM
Baada ya Ligi ya Azam ya Vijana chini ya umri wa miaka 15 (Azam Youth League U-15) iliyotarajiwa kuanza leo Jumamosi kuahirishwa kwa wiki moja zaidi hadi Oktoba 14 kutokana na baadhi ya timu shiriki kutothibitisha umri kwa wachezaji wake, timu za vijana za Azam FC U11, 13 na 15 zimetumia siku hii kwa kucheza mechi za kirafiki.

Timu hizo leo zilipata ugeni wa kutembelewa na kituo cha kukuza vipaji cha External Academy FC na kucheza nao mechi mbalimbali za kujiweka sawa baada ya mazoezi ya wiki chini ya Mkuu wa MAendeleo ya Soka la Vijana Azam FC, Tom Legg.

Vikosi hivyo vya vijana vya Azam FC, vimefanikiwa kuibuka na ushindi katika mechi hizo; Azam U-11 ikiichapa External U-11 mabao 2-1, Azam FC U-13 ikaibugiza External U-13, 2-0, huku External U-15 ikipigwa 3-0 na vijana wa Azam FC U-15 katika mchezo uliokuwa wa kuvutia kutokana na umahiri wa timu hiyo ya vijana ya Azam.

KLABU

LIGI KUU

MASHINDANO

WACHEZAJI

STORI ZA MAGAZET

ACADEMY

MAHOJIANO

Sauti Ya Shabiki

Copyright © CHAMA LANGU NI AZAM FC™ is a registered trademark.

Designed by Templateism. Hosted on Blogger Platform.