Azam kuikabili Toto leo

Leo katika uwanja wa Azam uliopo Chamanzi kikosi kazi cha Azam FC kitawakaribisha Toto Africa ya Mwanza katika mawindo ya point 3 muhimu.

Azam FC inafukuzana na Simba SC yenye point 59 wakati Azam FC wamekusanya point 53 na endapo wakipoteza mchezo wa leo ama kutoa sare watakuwa wamejitoa kwenye kinyanganyiro cha ubingwa wa Tanzania Bara.

Azam FC wakishinda leo watakuwa na kibarua cha kusaka ushindi katika mchezo wake wa mwisho dhidi ya African Lyon, huku wakiombea Simba wapoteze mchezo wao dhidi ya Yanga na hapo hesabu ya tofauti ya magoli ya kufunga ama kufungwa ndio itakao amua bingwa wa Tanzania Bara.

Azam FC imeshajihakikishia nafasi ya kushiriki michuano ya kimataifa mwakani.