azam na simba kukipiga taifa

Mchezo wa Fainali wa Kombe la Urafiki (Ujirani mwema) kati ya Azam FC na Simba SC utachezwa siku ya alhamisi (julai 12) mwaka huu, katika uwanja wa Taifa jijini Dar es salaam, badala ya kesho jumatano (julai 11) katika uwanja wa Aman visiwani Zanzibar.

Kwa mujibu wa taarifa iliyowekwa katika kundi la Ligi Kuu Tanzania ndani ya facebook na meneja wa Azam FC Patrick Kahemele inaeleza kuwa mchezo huo utapigwa usiku katika uwanja wa Taifa siku ya Alhamisi, badala ya jumatano usiku katika uwanja wa Amani.

"Azam FC Vs Simba SC alhamisi hii usiku katika Dimba la Uwanja wa Taifa Dar es Salaam, ni katika Fainali ya Urafiki Cup....," ili eleza taarifa ya Patrick Kahemele.

Simba SC na Azam FC wametinga hatua hiyo ya fainali baada ya kuzifunga Zanzibar All Stars na Falcon katika michezo ya nusu fainali, huku wakitokea katika kundi moja ambapo Simba SC waliongoza kundi na kufuatiwa na Azam FC.