Azam waanza na sare Kagame Cup

Mabingwa wa Mapinduzi Cup Azam FC wameanza kwa sare ya goli 1-1 na Mafunzo ya Zanzibar katika michuano ya Kombe la Kagame inayohusisha mabingwa wa ukanda wa Africa Mashariki na Kati.

Azam FC wakishiriki kwa mara ya kwanza waliandika goli lao la kwanza kupitia kwa kinara wa magoli ndani ya Azam FC, Mshambuliaji John Raphael Bocco katika dakika ya 26.

Goli hilo la Bocco alilofunga akipokea pasi toka kwa Salum Abubakari 'Sure Boy' lilidumu kipindi chote cha kwanza mpaka pale Mafunzo walipokuja kusawazisha katika kipindi cha pili kupitia kwa Juma Ally.


Matokeo hayo ya Sare yanailazimu Azam FC kuhitiji ushindi wa hali yoyote katika mchezo dhidi ya Tusker ya Kenya mchezo utakao chezwa julai 21 mwaka huu.