AZAM FC WATOKA SARE NA AFRICAN SPORTS

Vinara wa ligi kuu ya vodacom Azam FC leo wamelazimishwa sare na African Sports ya Tanga katika mchezo uliochezwa leo usiku katika uwanja wa Azam complex na kumalizika kwa sare ya goli 1-1.

Katika mchezo huo uliomshuhudia beki Waziri Salum akicheza mchezo wake wa kwanza wa ligi kuu ya vodacom toka katika msimu wa 2013/14 ambao aliumia na kumfanya awennje ya uwanja kwa takribani mika miwili.

Azam FC waliuwanza vyema mchezo huo na kutawala vilivyo katika kipindi cha kwanza na kupelekea African Sports muda mwingi wakiwa wanasaka mpira huku wakibakia katika eneo lao wakijiami.
Katika kipindi cha kwanza African sports walifanya majaribio mawili kwa kipa wa Azam FC ambapo jaribio moja liligonga mwamba na moja kuishia katika mikono ya Aishi Manula.

Azam FC waliandika goli lao la kwanza katika dakika ya 27 kupitia kwa Franky Domayo kwa shuti kali alilopiga nnje ya eneo la hatari.

Kuingia kwa goli hilo kulitengeneza mianya ya Azam FC kutenegeneza nafasi ambapo walishindwa kuzitumia nafasi hizo na kupeleka mchezo kwenda mapumziko wakiwa mbele kwa goli 1.

Kipindi cha pili African Sports walirejea tofauti na kupelekea kutowapa nafasi ya Azam FC ya kuchezea mpira na kufanya mchezo kuwa sawa kwa upande zote mbili.

Katika dakika ya 58 Hamad Nidhania aliiandikia African sports goli la kusawazisha na kupelekea mchezo kumalizika kwa sare ya goli 1-1.

Kwa matokeo hayo yanapelekea Azam kuwa mbele ya yanga kwa pointi tatu ambazo endapo watapata ushindi kesho, watarejea kileleni kwa tofauti ya magoli ya kufunga na kufungwa.

MSIMAMO WA LIGI KUU YA VODACOM

Rn	Timu	P	W	D	L	F	A	Gd	Pts
1	Azam FC	14	11	3	0	28	9	19	36
2	YANGA	13	10	3	0	30	5	25	33
3	SIMBA SC	14	9	3	2	21	9	12	30
4	MTIBWA SUGAR	14	8	3	3	17	9	8	27
5	STAND UNITED	14	8	1	5	15	11	4	25
6	T. PRISONS	14	7	3	4	14	14	0	24
7	MWADUI FC	14	6	4	4	16	13	3	22
8	TOTO AFRICANS	14	4	5	5	12	16	-4	17
9	MGAMBO SHOOTING	14	4	4	6	12	14	-2	16
10	MBEYA CITY	14	3	5	6	12	15	-3	14
11	JKT RUVU	14	3	3	8	16	21	-5	12
12	MAJIMAJI FC	14	3	3	8	9	24	-15	12
13	Coastal Union	14	1	7	6	8	15	-7	10
14	NDANDA FC	13	1	6	6	9	15	-6	9
15	KAGERA SUGAR	14	2	3	9	4	17	-13	9
16	AFRICAN SPORT	14	2	2	10	4	15	-11	8