Azam na Kagera watoa sare

Azam FC imeambulia sare katika mchezo wa leo ambao Said Moradi aliivaa timu yake iliyomrejesha kwenye kiwango baada ya kushindwa kutamba na Uzi wa Simba.

Azam FC waliteremka katika Uwanja wa Kaitaba wakiwa na dhamira ya kufuta uteja kwa Kagera Sugar na kupoteza nafasi za wazi katika dakika 14 za mwanzo na kupelekea kumaliza mchezo kwa sare ya bila kufungana.

Moradi aliitumikia vyema klabu ya Kagera Sugar na kuwa nguzo muhimu katika timu hiyo kabla ya kutua Azam FC msimu huu na kufanikiwa kutengeneza partinaship na Aggrey Morise.

Azam watawavaa Toto Afrika ya Mwanza katika mchezo wa kukamilisha mzunguko utakao chezwa katika uwanja wa CCM Kirumba hapo november 2.

Azam fc hii leo: Mwadini Ally, Erasto Nyoni, Nuhu Haji, Aggrey Morisi, Said Moradi, Ibrahim Mwaipopo, Jabir Azizi, Salum Abubakari 'sure boy', John Bocco, Zahoro Pazi, Ramadhani Chombo 'Redondo'