Azam kuwakalibisha Oljoro kesho

Ligi kuu ya Tanzania Bara inatari kuendelea kesho katika uwanja wa Azam, wakati wamiliki wa uwanja huo Azam FC itakapo wakaribisha Wagumu toka Arusha JKT Oljoro.

Mchezo huo unataraji kuwa waushindani hususani ikikumbukwa kuwa Azam FC walitoka nao sare ya goli moja kwa moja katika mchezo uliochezwa katika uwanja wa Sheikh Amri Abeid jijini Arusha.

Na pia timu hizo zinazofuatana zimetenganishwa kwa point 3 baina yao, huku ikiwa point 5 na 8 kati ya Azam, JKT Oljoro kwa vinara wa ligi kuu Simba SC.

Muivory Coast anaekipiga Azam FC Kipre Bolou anaweza akapata nafasi kesho baada ya kupata kibali chake hivyo kumuongezea wigo kocha wa Azam FC Stewart Hall katika uteuzi wa kikosi chake.

Viingilio vya mchezo huo utakao anza saa 10 kamili alasiri ni Tsh 3000 mzunguko na Tsh 10000 jukwaa kuu.