Azam na Simba kukwaana kesho Taifa, Kaly: ushindi kwa kila mechi

Kali Ongala katikati akizungumza na waandishi wa habari katika ofisi za TFF leo

Kesho watowa darsa la namna ya kucheza soka nchini Azam FC watakuwa na darasa katika uwanja wa Taifa pale atakapo karibishwa na mwanafunzi jeuri Simba SC.

Mchezo huo wa ligi kuu ya vodacom unao vuta hisia za mashabiki wa Soka la Bongo kutokana na tofauti ndogo ya point iliyopo baina ya Azam na Simba na baada ya Azam kuzitandika Simba na Yanga katika michuano ya Mapinduzi Cup.

Kocha msaidizi wa Azam FC Kali Ongala akizungumza na waandishi wa habari, amesema timu yake ya Azam FC imejiandaa vyema kukabiliana na timu ya Simba na wachezaji wote wako fiti kabisa na wana ari ya ushindi, huku lengo lao likiwa ni kushinda michezo yote iliyoko mbele yao.

Kiburudisho katika mchezo wa kesho inatazamwa kuwa ni baina ya viungo wawili wenye jukumu la kuchezesha timu Mwinyi Kazimoto wa Simba na Salum Abubakari 'Sure Boy' wa Azam FC kutokana na uwezo wao wa kuchezesha timu.

Kama Azam FC itashinda mchezo huo wa kesho atapanda mpaka nafasi ya kwanza mpaka Yanga watakapo wakabili Ruvu Shooting katika uwanja wa Taifa jumapili.