Bocco autolea jicho Ubingwa

John Bocco akishangilia moja ya magoli yake aliyofunga msimu wa huu

Kalunde Jamal

MSHAMBULIAJI wa timu ya Azam FC, John Bocco amesema kuwa licha ya mafanikio ambayo ameyapata kwenye Ligi Kuu ambayo inaendelea sasa, bado wana kazi ngumu ya kuukwaa ubingwa wa ligi hiyo.

Bocco mwenye mabao 15 ambayo yamemfanya awe kinara wa mabao kwenye ligi hiyo alisema hakuna mazuri usiyoyapatia taabu hivyo kama kila mchezaji ana nia ya kuwa mabingwa inabidi wakaze msuli ili kuutwaa ubingwa wa ligi hiyo.

Mpaka sasa, Azam iko nafasi ya pili ikiwa na pointi 44 nyuma ya Simba yenye pointi 47, na ni kati ya timu zinazopewa nafasi ya kufanya vizuri msimu wa Ligi Kuu.

Boko alisema mzunguko wa kwanza unaweza kucheza kwa maringo na ukiendelea kujipa matumaini ya kujirekebisha mbele ya safari lakini sio mzunguko wa pili.

"Unajua kipindi tulichonacho ni kigumu mzunguko wa pili kila timu inazinduka hivyo inatubidi tukune kichwa sana ili tuweze kushinda kazi," alisema Boko.