Ngassa kama kawa, Bocco amkamata Ngassa

Mshambuliaji wa Azam FC na timu ya Taifa, Mrisho Khalfan Ngassa ameiongoza Azam katika ushindi wa goli 4-1 leo dhidi ya Ruvu JKT, wakati John Bocco akivikia rikodi ya Ngassa ya kufungwa magoli 16 katika msimu mmoja wa ligi kuu ya Vodacom.

Ngassa alivikisha magoli 16 na kuwa mfungaji bora wa ligi kuu ya Vodacom na akiweka rikodi ndani ya Azam FC katika msimu wa 2010/11, magoli ambayo mshambuliaji aliyevua magwanda ya Taifa Stars John Raphael Bocco amefikisha rikodi hiyo leo akiwa na michezo 4 kuelekea ukingoni mwa ligi.

Katika mchezo huo uliochezwa katika nyasi za Azam zilizopo Chamanzi, JKT Ruvu walikuwa wa mwanzo kuziona nyavu za Azam FC katika dakika ya 6 ya mchezo.

Goli hilo lilidumu kwa dakika 24, ambapo Mrisho Khalfan Ngassa aliisawazishia Azam kabla ya John Bocco kuifungia Azam goli la pili na la 16 msimu huu katika dakika ya 44.

Kipindi cha pili kiliendelea kuwa kizuri kwa Azam FC na katika dakika ya 50 Kipre Tchetche aliiandikia Azam FC goli la 3 kabla ya Ngassa kurudi tena kwenye nyavu kwa kuipatia Azam FC goli la 4 katika dakika ya 72, na kupelekea mchezo kumalizika kwa Azam kuichapa goli 4-1 JKT Ruvu.

Kwa matokeo hayo Azam FC wamerejea katika nafasi yake ya pili kwa kufikisha point 47 akiwa juu kwa point moja dhidi Yanga mwenye point 46 akiwa na mchezo mmoja mkononi, wakati Simba akiwa anaongoza kwa point 50 akiwa mchezo sawa na Azam FC.