Azam watoa sare na Simba Urafiki

Mabingwa wa Tanzania Bara Simba SC wameshindwa kuibuka na ushindi mbele ya wachezaji pungufu wa Bingwa wa Kombe la Mapinduzi Azam FC, baada ya mchezo kwisha kwa sare ya goli 1-1.

Katika mchezo huo wa kundi A kombe la Urafiki uliochezwa jana katika uwanja wa Amani ulishuhudia kiungo wa Azam FC AbdulHalim Humoud akipewa kadi nyekundu baada ya kuonyeshwa kadi ya pili ya njano katika dakika ya 52 ya mchezo.

Simba SC walikuwa wa mwanzo kupata goli katika dakika ya 35 kupitia kwa mshambuliaji wao aliyerejea kutoka Vetnam Danny Mrwanda, kabla ya Azam FC kusawazisha katika dakika ya 45 kupitia kwa Mkenya George Othiambo 'Blackberry'.

Katika mchezo wa awali hapo jana wa kundi A Karume Boys (u20 Zanzibar) waliwafunga goli 1-0 timu ya Mafunzo, goli hilo lilifungwa na Nassor Matter katika dakika ya 45.

Kwa matokeo hayo ya michezo ya Kundi A, Simba SC wanaongoza kundi wakiwa na point 4, Karume Boys wakiwa wa pili kwa kufikisha point 4, Azam ikishika nafasi ya tatu kwa kuwa na point 2 hivyo kuhitaji ushindi wa goli 2-0 pale watakapo kabiliana na washika mkia wa kundi hilo Mafunzo ambao hawana pointi yoyote ile.

Simba; Juma Kaseja, Haruna Shamte, Paul Ngalema, Lino Masombo, Shomary Kapombe, Amri Kiemba, Mwinyi Kazimoto, Mussa Mudde, Abdallah Juma, Kanu Mbivayanga na Danny Mrwanda.

Azam: Deo Munishi ‘Dida’, Samir Hajji Nuhu, Ibrahim Shikanda, Said Mourad, Joseph Owino, Abdulhalim Humud, Kipre Herman Tcheche, Kipre Michael Balou, Ramadhan Chombo ‘Redondo’, Gaudence Mwaikimba na George Odhiambo ‘Blackberry’.