ITC ya Odhiambo yatumwa, yuko huru kuitumikia Azam

Shirikisho la Mpira wa Miguu Tanzania (TFF) limepokea Hati ya Uhamisho wa Kimataifa (ITC) ya mchezaji George Odhiambo, raia wa Kenya aliyejiunga na klabu ya Azam.

Hati hiyo imetolewa na Chama cha Mpira wa Miguu cha Denmark (DBU) ambapo Odhiambo alikuwa akicheza nchini humo kabla ya kutua Azam kwa ajili ya msimu wa 2012/2013.

Azam FC imeongeza wachezaji wawili katika kikosi chake msimu huu ambao ni kipa Deo Munish 'Dida' na Odhiambo.


Wakati huo huo leo (julai 6) kikosi cha Azam FC kitakuwa uwanja wa Aman kusaka ushindi wa zaidi ya goli 2-0 mbele ya Mafunzo katika mchezo wa makundi michuano ya Urafiki.