AZAM FC YATOLEWA SUPR8

Kikosi cha Azam kilicho anza leo

Mabingwa wa kombe la Mapinduzi Azam FC leo wametolewa katika michuano ya BancABC Super8 baada ya kufungwa na Simba SC katika mchezo wa nusu fainali ya pili uliochezwa katika uwanja wa Taifa.

Simba SC walikuwa wa mwanzo kupata goli katika dakika ya kwanza goli lililo tiwa kimiani na Rashid Ismail katika dakika ya pili ya mchezo na kuipeleka Simba mapumziko wakiongoza kwa goli hilo moja.

Kipindi cha pili kilikuwa ni cha kushambuliana kwa zamu na katika dakika ya 55, Christopher Edward aliiandikia goli la pili Simba SC kwa mkwaju wa penati kabla ya Zahoro Pazi kuifungia Azam FC goli pekee katika dakika ya 72, na kupelekea mchezo kumalizika kwa Simba SC kuibuka na ushindi wa goli 2-1 na kutinga fainali ambapo watacheza na Mtibwa Sugar.