MSENEGAL: COMBINATION YA WAWA NA AGREY BAB KUBWA

Beki mpya wa Azam FC Racine Diouf

BEKI mpya wa Azam FC, Msenegali Racine Diouf, amesema hana wasiwasi na mfumo unaotumiwa klabuni hapo wa kucheza mabeki watatu nyuma, lakini amevutiwa zaidi na kombinesheni ya Muivory Coast Serge Wawa na Aggrey Morris kuwa wanajua na ngome yao itakuwa imara.

Diouf ambaye ana uzoefu wa kucheza soka katika nchi za Ulaya za Ureno na Romania, ametua Azam kwa mkataba wa mwaka mmoja na ameliambia Mwanaspoti akisema: “Azam ni timu mpya kwangu na nimekutana na mfumo huo, ila kwa siku hizi nilizofanya mazoezi na kucheza mechi za majaribio, nimegundua kuwa nacheza na watu wanaojua, Aggrey na Wawa ni wachezaji walio makini.

“Sina tatizo, tunakwenda sawa, ila kikubwa ninachohitaji ni ushirikiano tu, ingawa kwa kipindi chote nilichokaa hapa, viongozi, wachezaji wenzangu na kocha, wamenipa ushirikiano mkubwa sana.”

Chanzo: mwanaspoti.co.tz