HALL: HATUIHOFII YANGA

Kocha wa Azam, Stewart Hall amesema hatishwi na aina ya soka la kushambulia la wapinzani wake, Yanga ila hofu yake kubwa iko kwa mashabiki wa klabu hiyo ambao ni wengi na wana kelele.

Hall alisema hana hofu na Yanga kwani anajua wameupania mchezo huo,  lakini aliwataka wachezaji wake kushusha pumzi kwani pointi tatu watazipata na watashika usukani wa ligi.

“Najua aina ya soka la Yanga ni la kushambulia, Pluijm ni muumini wa soka  hilo sina hofu naye, tunaendelea kujiandaa, najua wapinzani wetu wameipania hiyo mechi, lakini wachezaji wangu wanatakiwa kushusha pumzi na kuuchukulia mchezo huo kama mwingine wowote.

“Hofu yangu huwa ni kwa mashabiki, ambao  ni wengi na wana kelele zinazowachanganya wachezaji uwanjani,” alisema Hall.

Chanzo: mwananchi.co.tz