BOCCO: TUMETIMIZA DHAMIRA YA KWANZA

Kipato uleta majivuno. Ndivyo unavyoweza kusema baada ya nahodha wa Azam FC, John Bocco kusema kuwa walijua watamaliza mwaka (2015) wakiwa kileleni mwa msimamo.

Akizungumza na Nipashe kabla kikosi cha Azam kwenda Zanzibar kushiriki Kombe la Mapinduzi, Bocco alisema walipanga kumaliza mwaka wakiwa kileleni na hilo limefanikiwa.

“Siyo suala la bahati, kocha alitueleza lazima tumalize mwaka tukiwa kileleni mwa msimamo na tumefanikiwa,” alisema Bocco.
Alisema kuwa kumaliza mwaka wakiwa kileleni kutawafanya wauanze mwaka 2016 wakiwa na hamasa kubwa. 

“Baada ya kufanikiwa kukaa kileleni mwanzoni mwa mwaka, sasa tumejipanga kuhakikisha tunabaki kwenye nafasi hiyo hadi mwisho wa mwaka,” alisema Boco.

Azam inaongoza ligi ikiwa na pointi 35, Yanga ikishika nafasi ya pili ikiwa na alama 33.

CHANZO: NIPASHE