Azam FC kuanza michezo ya kirafiki jumamosi

Wana mapinduzi wa soka la bongo Timu ya Azam FC, inatarajiwa kuanza kucheza michezo ya kirafiki baada ya kuwa katika mazoezi kwa takribani wiki tatu sasa.

Azam FC watacheza mchezo wao wa kwanza wa kirafiki dhidi ya Villa Squad iliyorejea ligi kuu ya Vodacom siku ya jumamosi saa 3 asubuhi kwenye uwanja wa Chamazi Complex.


Katika hatua nyingine timu B ya Azam FC imepata ushindi wa pili mfululizo baada ya kuichapa timu B ya JKT Oljoro goli 2-1. Kwa ushindi huo Azam Academy inaongoza kundi lake kwa kuwa na pointi 6.