Azam waikimbiza Yanga, Bocco awaongoza wafungaji

John Bocco ameendelea kutikisa nyavu za wapinzani hii leo na kukaa kileleni mwawafungaji baada ya kufunga goli la 4 katika mechi 6 alizocheza za ligi kuu ya Vodacom.

Azam wakiwa kamili hii leo wameisulubu Yanga goli moja bila goli lililo fungwa na Mshambuliaji hatari wa Azam John Bocco Adebayor akiunganisha pasi ya kiungo Ibrahim Mwaipopo katika dakika 20 ya mchezo.

Azam wakicheza kwa kujiamini huku wakitawala sehemu ya kiungo kipindi chote cha kwanza, huku beki aliyesajiliwa toka Kagera Sugar Said Morad akionyesha kiwango cha hali ya juu, walipoteza nafasi kazaa kupitia kwa Mcha na Bocco.

Kipa Mwidin Ally alifanya kazi ya ziada pale walipo poteana beki za Azam Moradi na Morrise na kuudhiìrishia mashabiki kuwa Kocha Stewart Hall ajakosea kufuka bahari ya Hindi na kumfuata huko visiwani Zanzibar.

Katika mchezo wa leo Azam FC walianza wazawa tupu na kisha dakika za Mwisho akaingizwa Mkenya Ibrahim Shikanda wakati Yanga nyota wake wakigeni wakishindwa kutamba kwa wazawa wa Azam FC.

Kwa matokeo hayo Azam FC imefikisha point 11 sawa na Mtibwa Sugar inayoshika nafasi ya pili na hivyo Azam FC kukalia nafasi ya 3.

IMANI YA KISHIRIKINA

Wachezaji wa yanga walilizonga goli la Azam kusaka dawa iliyo wafanya wapoteze nafasi zawazi na kumpa ujiko kipa wa Azam FC.

VIKOSI VILIVYOCHEZA LEO.

YANGA.
Yarw Berko, Shadrack Nsajigwa, Oscar Joshua, Bakari Mbegu, Chacha Marwa, Nurdin Bakari, Shamte Ally/Godfrey Taita, Haruna Niyonzima, Pius Kisambale/Rashid Gumbo, Davis Mwape/Kenneth Asamoah, Hamis Kiiza.


AZAM FC
Mwadin Ally, Erasto Nyoni, Waziri Salum, Said Moradi, Agrey Morissi, Ibrahim Mwaipopo, Jabir Azizi, Ramadhani Chombo, John Bocco/Zahoro Pazi, Mrisho Ngassa/Ibrahim Shikanda, Hamisi Mcha/Salum Abubakari 'Sure boy'