KIPRE NNJE YA UWANJA WIKI 2 MPAKA 3

Mshambuliaji toka Ivorycoast anae kipiga Azam FC, Kipre Tchetche atakuwa nnje kwa wiki mbili mpaka 3 akiuguza nyama za paja.

Kipre alingara vilivyo katika michezo ya kujiandaa na ligi (pre season) kwa kufunga magoli karibu kila mchezo lakini kasi yake ya kudumbukiza mpira nyavuni haikuonekana katika mechi 4 za awali, kabla ya kuondoa gundu hilo pale walipo ikabili Villa Squad na kufanikiwa kutikisa nyavu.

Akiwa ndio anaanza kufunguka amejikuta anapata majeraha ambayo yalimkosesha mchezo wa jana na yatamuweka nnje ya uwanja kwa takribani wiki 2 mpaka 3.

Kocha wa Azam FC, Stewart Hall akizungumza baada ya mchezo wa jana dhidi ya yanga alisema Kipre alikuwa katika mipango ya mchezo huo wa jana lakini kutokana na maumivu aliyoyapata dakika za mwisho kulimlazimu Hall kubadilisha mipango kwa kumchezesha Hamisi Mcha Vua badala ya Kipre.

Azam FC tarehe 21 siku ya jumatano watakuwa katika uwanja wa Mkwakwani mkoani Tanga kuwakabili Coastal union katika muendelezo wa ligi kuu ya Vodacom.

Mara ya mwisho kukutana Azam FC walifungwa goli 2 katika mchezo wa kirafiki na hao wagosi wa Kaya Coastal Union mchezo uliochezwa Mkwakwani.