Waziri aongezwa stars

Kocha wa timu ya Taifa ya Tanzania 'Taifa Stars' Jan Poulsein amemuongeza katika kikosi chake beki wa Azam FC Waziri Salum Omar kuchukua nafasi ya Juma Jabu.

Waziri alisajiliwa Azam mwanzoni mwa msimu huu, akitokea katika timu ya Mafunzo ya visiwani Zanzibar, na haikumchukua mda kupata nafasi katika kikosi cha kwanza cha Azam FC.

Waziri aliyezaliwa mwaka 1988 ameitwa kwa mara ya kwanza katika kikosi hicho cha Poulsein, kinacho jiandaa na mchezo dhidi ya DR Congo na Msumbiji. Michezo hiyo itachezwa february 23 na 29 mwaka huu.