OMOG: ZIARA YA DRC IMETUSAIDIA

Kocha wa mabingwa wa Tanzania bara Azam fc, Joseph Omog amesema kuwa ziara yao ya wiki moja nchini DR Congo imekuwa ya mafanikio na imeijenga timu yake kwa ajili ya michezo ya ugeninh ya klabu bingwa Afrika.

"Tulikuja huku kwa ajili ya kujifunza na tumecheza dhidi ya timu za kiwango cha juu, kilikuwa ni kipimo tosha cha tunavyoweza kucheza na mpinzani mgumu ugenini. Dhamira yetu imetimia,"amesema Omog.

Omog ameyasema hayo jana jioni wakati kikosi cha azam fc kinawasili nchini wakitokea DR Congo, ambapo walikuwa wamealikwa na TP Mazembe, na kufanikiwa kucheza michezo mitatu, ambapo walifungw a michezo miwili na kutoka sare mchezo mmoja.

Azam fc wamefikia moja kwa moja katika Azam complex kwa ajili ya maandalizi ya mchezo wa jumamosi katika uwanja wa Jamhuri mkoani Morogoro kukabiliana na Polisi Morogoro, kabla ya jumatano kuwakalibisha Mtibwa sugar katika uwanja wa Azam complex.

Azam fc wanataraji kucheza mchezo wake wa kwanza wa klabu bingwa Afrika dhidi ya El-merekh ya Sudan mwishoni mwajuma lijalo katika uwanja wa Azam complex.