AZAM WAICHAPA 3 MAFUNZO, WACHEZAJI 20 WATUMIKA

Mabingwa wa klabu bingwa Afrika mashsariki na kati Azam FC leo wameibuka na ushindi wa goli 3-0 dhidi ya mabingwa wa ligi kuu ya Zanzibar, Mafunzo katika mchezo wa kirafiki uliochezwa leo usiku katika uwanja wa Amani.

Katika mchezo wa leo ambao ulikuwa ni wa pili kwa Azam FC katika visiwa hivyo vya karafuu, alitumia jumia ya wachezaji 21 katika dakika zote 90 za mchezo.

Katika kipindi cha kwanza Azam FC wakitawala mchezo walifanikiwa kupata goli moja kupitia kwa Shomari Kapombe akitumia vyema pasi ya Salum Abubakari katika dakika ya 37, ikiwa ni baada ya kupoteza nafasi mbili katika dakika 34 na 28.

Kipindi cha pili kilianza kwa Azam FC kuwapumzisha Pascal Wawa, Shomari Kapombe, Mugereneza Migi, Ame Ally, Dider Kavumbagu na nafasi zao kuchukuliwa na Aggrey Morice, Himid Mao, Kipre Tcheche na John Bocco.

Mabadiliko hayo yaliongeza kasi ya ushambuliaji wa Azam FC na katika dakika ya 50 Farid Mussa Malik alifanyiwa madhambi katika eneo la hatari na kupelekea Azam FC kupata penati iliyo tiwa kimiani na Aggrey Morice katika dakika ya 50.

Kocha Stewart John Wall alifanya mabadiliko mengine kwa kumuingiza Mudathir Yahya, Ramadhan Singano na Gardiel Michael kuchukuwa nafasi ya Frany Domayo, Salum Abubakari na Farid Mussa.

Katika dakika ya 71 John Bocco akiunga krosi ya Ramadhan Singano aliiandikia Azam FC goli la tatu na kupelekea mchezo kumalizika kwa Azam FC kuibuka na ushindi wa goli 3-0.

Azam FC watahitimisha ziara yao ya Zanzibar siku ya jumatatu kwa kucheza na JKU katika uwanja Amani saa moja usiku.

Azam FC leo: Aishi Manula/Metacha Mnatha 72, Shomari Kapombe/David Mwantika 45, Shah Farid Mussa/Kamagi Gadiel, Said Morad/Abdallah Heri, Pascal Wawa/Agrey Morris, Erasto Nyoni, Jean Mugiraneza/Himid Mao, Salum Aboubakar/.Ramadhan Singano, Frank Domayo/Mudathir Yahya, Didier Kavumbagu/Kipre Tchetche, Ame Ali Zungu/John Bocco